LEI 15/2015, deth 21 de junhsèga, dera Agéncia entara Qualitat deth Sistèma Universitari de Catalonha.

SecciónDisposicions Generals
EmisorDepartament de la Presidencia

Les versions catalana i castellana d’aquest document van ser publicades en el DOGC núm. 6919, 23.7.2015. Es versions catalana e castelhana d’aguest document sigueren publicades en DOGC núm. 6919, 23.7.2015.

Eth president dera Generalitat de Catalonha

Sigue notòri a toti es ciutadans qu’eth Parlament de Catalonha a aprovat e jo, en nòm deth Rei e d’acòrd tamb çò qu’establís er article 65 der Estatut d’autonomia de Catalonha, promulgui era següenta

LEI

Preambul

Confòrmament damb eth desvolopament des sistèmes extèrnes d’avaloracion dera qualitat europèa e damb era creacion des prumères agéncies entar assegurament dera qualitat en Euròpa, era Generalitat de Catalonha e es sèt universitats publiques catalanes constituïren en 1996 eth consòrci Agéncia entara Qualitat deth Sistèma Universitari en Catalonha, damb es objectius d'avalorar eth sistèma universitari de Catalonha, analisar-ne es resultats e proposar mesures de melhorament des servicis que renden es universitats publiques, especiauments es d'ensenhament e recèrca, e, en definitiva, damb era escomesa de promòir era qualitat e eth melhorament constant deth sistèma.

En 2003, eth Parlament de Catalonha aprovèc era Lei 1/2003, de 19 de hereuèr, d’universitats de Catalonha, qu'establís qu'era promocion e era garantia dera qualitat des universitats catalanes correspon as madeishes universitats e ath departament competent en matèria d’universitats e que definís era Agéncia coma eth principau instrument entara promocion e era avaloracion dera qualitat. Era Lei d’universitats de Catalonha modifique era configuracion juridica dera Agéncia, que passe a nomentar-se Agéncia entara Qualitat deth Sistèma Universitari de Catalonha e se presente damb era denominacion internacionauments arreconeishuda d’AQU Catalonha.

Posterioraments, en 2006, er Estatut d’autonomia de Catalonha hè un important auanç. Er article 172.2. f atribuís ara Generalitat, en matèria d’ensenhament universitari, sens perjudici dera autonomia universitària, era competéncia compartida sus era avaloracion e era garantia dera qualitat e dera excelléncia der ensenhament universitari, e tanben deth personau d'ensenhament e cercaire. Era Agéncia ei er organisme instrumentau entà desvolopar aguesta competéncia e era institucion dinamizant d’aguesta matèria en amàs deth sistèma universitari de Catalonha e a de contribuïr de manèra decisiva a hèr qu'es universitats assumisquen, d’acòrd damb eth principi d’autonomia institucionau, era principau responsabilitat der assegurament dera qualitat.

Era agència catalana ei presenta en Euròpa dempús der an 2000, an en qué deven membre fondador dera European Association for Quality Assurance in Higher Education (ENQA), e collabòre estretaments damb es universitats entà promòir sistèmes de garantia de qualitat damb era finalitat d’integrar-se en Espaci Europèu d'Ensenhament Superior.

Dempús de 2003, era Agéncia, damb era sua transformacion e era arreconeishença de naues foncions, a contribuït d’ua manèra decisiva a dar impuls ath melhorament dera qualitat des universitats catalanes en quadre europèu de referéncia. En aguest quadre, era agéncia catalana a estat era prumèra der Estat a èster arreconeishuda internacionauments en acompliment des estandards e des directritzes de qualitat europèa, per mejan d’ua avaloracion extèrna coordinada pera ENQA. Aguesta acreditacion a permetut qu'age estat ua des prumères agéncies extèrnes de qualitat universitària a èster includida en European Quality Assurance Register for Higher Education (EQAR).

Eth 18 de mai de 2010 eth Conselh Executiu dera Generalitat aprovèc eth Projècte de lei dera Agéncia entara Qualitat deth Sistèma Universitari de Catalonha, damb un ample consensus damb eth Conselh Interuniversitari de Catalonha. Eth Burèu deth Parlament li dèc seguida er 1 de junh de 2010. No siguec adoptat a causa dera finalizacion dera legislatura.

Eth Govèrn dera Generalitat, finauments, ena sesilha deth 26 d’agost de 2014, adoptèc eth nau projècte de lei, qu'actualize er anterior.

Era arreconeishença internacionau arrefortís eth protagonisme dera agéncia catalana ena avaloracion, era acreditacion e era certificacion dera qualitat en encastre des universitats e des centres d’ensenhament superior de Catalonha, e tanben li autrege ua capacitat, arreconeishuda externaments, d’accion coma agéncia d'avaloracion en quinsevolh país qu'apartengue ar Espaci Europèu d'Ensenhament Superior o qu'aplique es estandards europèus, a condicion que sigue compatible damb es legislacions corresponentes.

Aguesta lei a de facilitar qu'era Agéncia s’adapte as naui scenaris que deriven dera evolucion dera cultura dera qualitat e favorisquen era innovacion en ensenhament, era recèrca e era gestion universitària, e que sigue un referent coma creadora de coneishença laguens d'aguest encastre, exportable tanben a d'auti sectors. AQU Catalonha vò devier era institucion de referéncia ena mantenença actualizada des concèptes de qualitat e d’excelléncia qu'an de caracterizar eth sistèma universitari e er ensenhament superior de Catalonha presentes e futures, en tot alinhar-se damb er entorn internacionau e en tot escotar damb atencion es besonhs deth sector e der ensemble dera societat.

Era Agéncia a per mission facilitar er arrefortiment e er assegurament deth modèl catalan d’universitats e era sua projeccion internacionau, e contribuïr a garantir e melhorar era sua qualitat. A de contribuïr a determinar un sistèma pròpri d’ensenhaments superiors, laguens der encastre des competéncies dera Generalitat, e un sistèma d’avaloracion qu'identifique es melhores practiques e incorpòre valor ahijuda. Tanben a d’actuar coma instrument de sosten qualificat as diferenti actors qu'intervien enes procèssi d’introduccion d’innovacions e avaloracion de naues politiques universitàries.

Eth trabalh dera Agéncia ena demostracion internacionau des nivèus de qualitat e d’excelléncia deth sistèma universitari de Catalonha a de plaçar Catalonha coma un centre d’atraccion de talent, d’innovacion e de creacion de coneishença que contribuïsque actiuaments ara creacion de naui encastres e espacis de progrès sociau. Tanben, a d’actuar coma instrument de projeccion internacionau des universitats que compòsen eth sistèma universitari de Catalonha, escampilhant internacionauments es procèssi qu'utilize de garantia extèrna dera qualitat, en tot demostrar-ne era objectivitat e en tot generar informacion utila entàs usatgèrs internacionaus.

Aguesta lei s’articule en quate capítols. Eth capítol I, per arrepòrt as disposicions generaus, definís era Agéncia coma entitat de dret public sometuda a dret privat qu'agís damb objectivitat e independéncia, e establís es sòns objectius e foncions, e es principis d’accion e es valors qu'a de seguir d’acòrd damb es estandards e es directritzes internacionaus d’assegurament dera qualitat. S’amplien es foncions dera Agéncia e s’adapten as qu'acomplissen es agéncies d’assegurament extèrne dera qualitat internacionauments activa.

Eth capítol II reglamente es organs de govèrn: manten un president, un conselh de govèrn e un director, e cree, en Conselh de Govèrn, ua comission permanenta. Damb era modificacion qu'introdusís aguesta lei, s’establís un nau organigrama de govèrn dera Agéncia, semblable ath des agéncies internacionaus mès auançades. Se conjugue de manèra mès equilibrada era importància des composants d’especialitat en matèria de qualitat en ensenhament superior damb es de representacion des parts actores e des grops d’interès que i son restacadi. Tanben s’i incorpòre un organ consultatiu: era Comission Consultativa.

Eth capítol III reglamente era avaloracion, era acreditacion e era certificacion. Era Agéncia acomplís es sues foncions mejançant era Comission d’Avaloracion dera Recèrca, en çò que hè ath personau d'ensenhament e cercaire recrutat d'acòrd damb era Lei d’universitats de Catalonha, e es autes comissions que cree eth Conselh de Govèrn. S’aprigondís ena flexibilitat dera organizacion dera Agéncia, per çò qu'eth Conselh de Govèrn pòt crear comissions, permanentes o temporaus, entar acompliment des finalitats dera Agéncia e entà amiar a tèrme encomanes concrètes, d’acòrd damb es prioritats deth sistèma universitari de Catalonha, en hèr atencion ath hèt qu'eth concèpte de qualitat a ua definicion en evolucion permanenta, d’acòrd damb es naues requisicions e exigéncies deth contèxt internacionau e de transformacion dera madeisha societat catalana. Entar exercici des sues foncions, es comissions d'avaloracion agissen enes encastres respectius damb es garanties apropriades d’independéncia tecnica e professionalitat. En aguest madeish capítol, se cree ua comission d’apellacions coma garantia de seguretat juridica e objectivitat des...

Para continuar leyendo

Solicita tu prueba

VLEX utiliza cookies de inicio de sesión para aportarte una mejor experiencia de navegación. Si haces click en 'Aceptar' o continúas navegando por esta web consideramos que aceptas nuestra política de cookies. ACEPTAR