LEI 7/2012, deth 15 de junh, de modificación deth libre tresau deth Còdi civiu de Catalonha, relatiu as persones juridiques.
| Sección | Disposicions Generals |
| Emisor | Departament de la Presidencia |
Les versions catalana i castellana d’aquest document van ser publicades en el DOGC núm. 6152, de 19.6.2012.
Es versions catalana e castelhana d’aguest document sigueren publicades en DOGC núm. 6152, de 19.6.2012.
Eth president dera Generalitat de Catalonha
Sigue notòri a toti es ciutadans qu’eth Parlament de Catalonha a aprovat e jo, en nòm deth Rei e d’acòrd tamb çò qu’establís er article 65 der Estatut d’autonomia de Catalonha, promulgui era següenta
Lei
Preambul
Era Lei 4/2008, deth 24 d’abriu, deth libre tresau deth Còdi civiu de Catalonha, relatiu as persones juridiques, auie coma prumèr objectiu rehóner, sistematizar e armonizar era legislacion d’associacions e fondacions, contenguda ena Lei 7/1997, deth 18 de junh, d’associacions, e ena Lei 5/2001, deth 2 de mai, de fondacions. Ath madeish temps, totun, se profitèc er impuls codificador entà actualizar bèri aspèctes deth sòn regim juridic.
Eth temps transcorrut dempús dera entrada en vigor deth libre tresau, en çò que tanh as naui critèris qu’incorporèc, ei sufisent entà constatar un cèrt excès ena regulacion des requisits entà constituïr fondacions, coma tanben un excès d’intervencionisme ena regulacion dera organizacion e eth foncionament d’aguestes entitats, qu’a implicat, a viatges, un fren ara creacion de naues fondacions.
Es fondacions e es associacions an vengut actors economics era contribucion des quaus ne resulte primordiau entara resolucion des desequilibris e de bèri uns des rèptes qu’era situacion de crisi economica suscite. Aguest potenciau de creishement a estat arreconeishut per diuèrsi organs dera Union Europèa. Era pròva mès recenta d’aguesta reconeishença se tròbe ena Resolucion deth Parlament Europèu deth 8 de seteme de 2010 que sollicite ara Union Europèa e as estats membres que prenguen en compde es enterpreses d’economia sociau e era diuersitat de formes d’enterpresa enes futures politiques d’aucupacion. En aguest punt, cau remercar que diuèrsi estudis an metut en evidéncia qu’era produccion de bens e servicis ei era foncion d’intervencion economica mès caracteristica adoptada pes fondacions e que ne depenen de manèra decisiva eth creishement e era competitivitat des autes branques d’activitat.
Per aguest motiu, aguesta lei incorpòre es mesures de simplificacion administrativa qu’establís era Lei 26/2010, der 3 d’agost, de regim juridic e de procediment des administracions publiques de Catalonha, qu’a estenut era aplicacion d’aguestes mesures de simplificacion a qué obligue era directiva de servicis a tota era accion administrativa. Ena madeisha linha de simplificacion e foment deth sector, es modificacions s’orienten a encoratjar era constitucion de fondacions en tot redusir era dotacion iniciau, a incrementar era autonomia de gestion des fondacions en tot perméter compatibilizar era condicion de patron e era prestacion de servicis ara fondacion jos determinades condicions, a flexibilizar eth regim d’autorizacions entà determinades operacions deth patronat en tot substituïr era autorizacion pera declaracion responsabla e a hèr possible qu’ua persona que non age era condicion de patron pogue exercir eth cargue de secretari, entre autes mesures.
Eth sector constitutiu, atenguda era sua incidéncia ena reactivacion economica deth sector servicis, non pòt restar ath marge deth marc legau mencionat, que justifique ua reforma dera nòrma constitutiva orientada a obtier guanhs d’eficiéncia, agilitat e autonomia de gestion enes entitats e, en conseqüéncia, ua simplificacion de procediments administratius, sense renonciar, totun, ath contraròtle e ara supervision de besonh sus era sua activitat.
Modificacion der article 312-3 deth Còdi civiu
Se modifique er apartat 1 der article 312-3 deth Còdi civiu, que rèste redigit dera manèra següenta:
1. Es organs collegiaus son compausats, aumens, per tres membres, designadi en acte constitutiu o d’acòrd damb es estatuts, e an d’auer aumens ua persona damb eth cargue de president e ua auta damb eth de secretari. Aguest darrèr cargue pòt correspóner a ua persona que non age era condicion de membre der organ collegiau. Eth secretari, en aguest cas, interven enes reünions damb votz mès sense vòt, e a eth déuer d’avertir dera legalitat des acòrds que pretene adoptar er organ.
Modificacion der article 312-9 deth Còdi civiu
Se modifique era letra a der apartat 3 der article 312-9 deth Còdi civiu, que rèste redigida dera manèra següenta:
a) En cas que se tracte d’ua persona fisica, eth deth conjunt, eth d’autes persones damb qui òm sigue especiaument restacat per ligams d’afectivitat, eth des sòns parents en linha dirècta e, en linha collaterau, enquiath tresau grad de consanguinitat o afinitat; e eth des persones juridiques enes quaus òm exercisque foncions d’administracion o qu’òm constituïsque damb eres, dirèctaments o per mejan d’ua persona interpausada, ua unitat de decision, d’acòrd damb era legislacion mercantila.
Modificacion der article 315-2 deth Còdi civiu
Se modifique era letra e der article 315-2 deth Còdi civiu, que rèste redigida dera manèra següenta:
e) Es delegacions de foncions e era sua modificacion, revocacion o substitucion. Aguesti actes non son inscriptibles en cas des associacions.
Modificacion der article 331-2 deth Còdi civiu
Se modifique er article 331-2 deth Còdi civiu, que rèste redigit dera manèra següenta:
"Article 331-2. Capacitat entara constitucion
"1. Pòden constituïr fondacions es persones fisiques e es persones juridiques, privades e...
Para continuar leyendo
Solicita tu prueba